هذا كلامي يوم قلتي حزينه (جديد)

انــا حـزيـن ن مـثـل منـتـي حـزيـنـه
هـمٍ بصـدري فـوق عشـرة ملايـيـن
.
الله يـعــيــن الــصـــدر الله يـعـيـنــه
تسري به الاوجاع مـدري علـي ويـن
.
كـل ن يعيـش الوقـت شيـنـه وزيـنـه
وانا اعيش الوقت كلـه علـي الشيـن
.
اشـرب همـوم الوقـت وآكـل غبيـنـه
واطفي لهيب الصـدر ابـدمعـة العيـن
.
محـدن يلـوم الـوقـت مـحـدن يديـنـه
وكلن يقول إحنا علي الوقت مخطين
.
هــذا هــو الـواقـع هـــاذي سنـيـنـه
غـادي ومعـه النـاس لا شـك غاديـن
,
وانتـي حزينـه فـوق منـتـي فطيـنـه
لا يمتلـى صـدرك مـن الهـم تكفـيـن
,
عيشـي مـع الواقـع بعـسـره وليـنـه
عيشـي مـع الدنيـا وخلـك ورا الديـن
.
احــدٍ يـسـار الـــدرب واحـــدٍ يمـيـنـه
وحنا علي درب الصـدق مستقيميـن
.
كــلٍ كــره حـظـه ويـصـفـق يـديـنـه
محدٍ من العالـم علـي الحـظ راضيـن
.
الكـنـز قـنـع الـنـفـس اكـبــر ثمـيـنـه
والحـزن مهمـا طـال مـا دام عامـيـن
.
هــذا كـلامـي يــوم قلـتـي حـزيـنـه
وهذا كلام اللي علي الحق ماشيـن